我看今年奧運，將會成為膠運，點解咁講，睇北京奧組委推薦「中華小姐」曾光做火炬手就知。
本來香港有一堆土共左口魚成為火炬手，已經令人火都嚟，咁玩法，仲唔係將奧運政治化，仲睇嚟係將奧運納粹化添。但曾光憑何德何能，成為火炬手一直諗唔明。如果由選美冠軍嚟做火炬手，由香港小姐冠軍去做我不反對（當然進一步意見，我會建議問Erica）。但依家唔係搵香港小姐，搵咗鳳凰衛視的中華小姐，而呢位中華小姐，仲要嚟自陝西，如果曾光要跑，咁喺中國內陸的站跑飽佢，點解偏要嚟香港？北京奧組委係唔係欠全世界一個解釋，定係當中有些貓膩係我地唔知？如果唔係北京奧組委唔受廉署管，我會諗應該廉署留意下。
仲有，點解成堆同政界有關嘅火炬手，主要都係嚟自民建聯，連自由黨、泛聯盟要員都無，究竟發生咗乜嘢事？係唔係中聯辦為首的邪惡勢力，已經準備搞小圈子私相授受的遊戲。如果我係田北俊，睇完份名單仲唔心寒？真係死到臨頭都唔知發生乜事，仲好意思推個兵變電車男出嚟直選，不如諗掂點樣喺土共成功奪權後虎口餘生好過。
當土共打算整碗捧去，連統戰都唔打算嘅時候，香港人係唔係應該要準備鬥爭？
沒有留言:
發佈留言