中聯辦，你仲想抵賴啲乜？

以下係摘自《AM730》的報導：

「身兼立法會議員的霍震霆，昨日在立法會被問及體育界代表出任火炬手的比例時說，由於火炬手的數目有限，因此需作整體考慮，他並透露有份提名的除了已為人知的北京奧組委及贊助商外，還包括中聯辦，當記者追問中聯辦提名甚麼人出任火炬手時，他只說「到時會話俾大家知。」對於有政治人物出任火炬手，霍震霆強調，火炬手並非代表個人，而是代表香港，而且代表不同界別，最重要是支持奧運及對香港曾作貢獻。」

霍震霆自己踢爆，佢講一句，權威過我地講一萬句。北京有膠人將奧運政治化，鐵證如山，不容抵賴。如果仲有土共話唔想將奧運政治化，大家可以回敬呢班福佳一句：「咁中聯辦呢？」

今日張思晉搞的聖火團好似有記者會，呢度的記者朋友，記得問張思晉，佢對中聯辦嘅角色點睇。

誰在把政治與奧運混為一談

這幅相由本人所拍，2008年4月21日香港模範邨。

如果張思晉搞硬膠聖火團是個別黨員所為，咁鄭志成議員呢幅banner又點解釋？一個區議員，即係政客，無端端要為奧運加油嚟把叉？唔係將政治與奧運混為一談，又係乜？

見到呢幅banner，真係火都起。