覆GTO：關於越位

GTO在個Blog度問，梁禮勤點解調離越位。

除左因為梁禮勤同何亨、劉偉恆有少少磨擦，亦因為梁禮勤的主力，會放在馬會電台上面。在八月政變之後，商台有不少員工的士氣都受打擊。

彭浩翔同劉偉恆都做得好，但依家個format肯定唔係越位越出位呢個節目的原意。

我順便可以講下呢個節目一些歷史，呢個節目係梁文道入主商業一台後出黎，原名係《越夜越出位》，本來想邀請何國良黎主持，講下香港夜晚的生活，顛覆一下正常的新聞。(怪聞都係新聞黎架，夠惡搞嘛。)整整下至出亨、恆、勤組合，何國良在做嘩嘩前，都會俾下意見，亦都為商業一台年青化殺出左一條生路。

不過這些蔡東豪/梁文道時代的改革，隨著俞琤重新掌權漸漸消失。

如果想聽小飛勤講波，請留意馬會電台，網上電台黎架：http://www.hkjcfootball.com/sb/chinese/radio/radio.asp